Միւժտէ Թէօնպէքիճիի 10 տարի առաջ սկսած կերակուրի աշխատանոցները այսօր «Նշանեան» պանդոկին ամենէն յիշարժան փորձառութիւններէն մէկն են։
Պարտէզէն եկող բանջարեղէն, եգէական ձեւով եփում, գործնական աշխատանք, անսահման գինի, զրոյց եւ քիչ մը ծուլութիւն։
Կերակուրի դասընթացներուն 1-2 ժամուան աշխատանքով եգէական խոհանոցէն համեղ ու գործնական ընթրիք մը կը պատրաստենք։ Ապա ձեր պատրաստած կերակուրներով մեր տեռասին վրայ երեկոյեան սեղանը դուք կը պատրաստէք։ Ըստ ցանկութեան կը կազմակերպենք նաեւ Հին Հռոմի եւ Յունաստանի խոհանոցի, օսմանեան կերակուրներու կամ փիցցայի աշխատանոցներ։
Բարեւ։ Ես Միւժտէ Թէօնպէքիճին եմ։ Պանդոկի խոհանոցը, ըստ իս, մեր հաստատութեան սիրտն է։
Մեր ընդարձակ պարտէզներուն մէջ եղանակի բանջարեղէններ, հոտաւէտ անանուխ, ռեհան ու ուրց կը բուսցնենք։ Ճաշերը, որ կը մատուցենք ճաշարանին մէջ, ես ինքս կը ծրագրեմ ու կը պատրաստեմ օգնականներուս հետ։
Բանջարեղէնը, միսը, ձուկը կ՚եփեմ Եգէականի համեղ աւանդութիւններուն համաձայն։ Երբեմն կը համադրեմ նաեւ ճամբորդութիւններէս ներշնչուած համեր։ Ամէն տարի մեր ձիթապտուղներէն շուրջ մէկ թոն իւղ կ՚արտադրենք։ Դժբախտաբար չենք կրնար վաճառել. հազիւ մեր պահանջքը կը բաւարարէ։ Թուրքիոյ հանրային ԹՌԹ հեռատեսիլի կայանին ու Պի-Պի-Սի-ին համար ուտեստեղէնի մասին հաղորդումներ ալ պատրաստած եմ։
Կ՚ուզեմ ձեզ հրաւիրել կերակուրի աշխատանոցներուս։ 1-2 ժամուան աշխատանքով մը թրքական ու արեւմտեան խոհանոցէն համեղ ու դիւրին նմուշներ կը պատրաստենք։ Թէ՛ պիտի եփենք, թէ՛ պիտի զրուցենք։ Պիտի տեսնէք, որ դժուար չէ։
Այս առթիւ ձեզի օր մը եւս նուիրեցէք Շիրինճէի մէջ։ Վայելեցէք լողաւազանը կամ բաղանիքը, մեր պատմական գիւղին սրճարանին մէջ տեղացիներուն հետ թէյ կամ սուրճ խմեցէք, ձեր բաժակին նայիլ տուէք։ Մէկ խօսքով՝ քիչ մը ծուլութիւն ըրէք։
2-3 տարիէ ի վեր հետաքրքրուած եմ, թէ յոյներն ու հռոմէացիները հազարաւոր տարիներ առաջ ինչպէ՛ս կերակուր կը պատրաստէին այս նոյն մթերքներով, եւ այս նիւթին մասին կրթութիւն ստացայ։ Հին աշխարհի կարում կոչուած համ հարստացնող նիւթը ինքս կ՚արտադրեմ ու հռոմէական ճաշի խրախճանք մը կը պատրաստեմ։
Սիրով…
Միւժտէ
